Mshana.blogspot.com

Mchezaji wa kimataifa wa Tanzania Saimon Happygod Msuva usiku wa Jana amelichungulia Mara tatu lango la Benfica ya Guinea Bissau kwenye michuano ya klabu bingwa barani afrika. Ikiwa ni mchezo wa kwanza kwenye mzunguko wa kwanza, Difaa Hassan El Jadida iliibuka na ushindi wa mabao 10-0 katika uwanja wa Ben Ahmed El Abdi mjini El-jadida, Mazghan Morocco, Msuva alifunga magoli yake dakika ya 44,72 na 88.  Mabao mengine ya Difaa Hassan El Jadida yalifungwa na Bakary N'diaye dakika ya nne, Hamid Ahadad dakika za 23, 26, 37, 42 na 47 na Bilal El Magri dakika ya 54. Sasa akina Msuva watakwenda ugenini Guinea Buissau katika mchezo mwepesi kabisa baada ya ushinsi huo mnono wa nyumbani.

Miaka mitatu iliyopita alikuwa tanzania na timu yake ya Gor Mahia iliyokuwa ikishiriki michuano ya Kagame Cup ilikuwa ni mwaka 2015 ambapo aliisaidia klabu yake kucheza fainali na kupoteza kwa Azam ambao walitangazwa mabingwa wa michuano hiyo ambayo haijafanyika tena tangu mwaka huo, huyu si mwingine bali ni mshambuliaji mrefu raia wa Kenya Michael Olunga. Olunga ameweka rekodi ya kuwa mkenya wa kwanza kufunga ha-trick kwenye ligi ya Hispania La Liga, aliingia akitokea kwenye benchi kuchukua nafasi ya Cristhian Stuani, aliingia wakati timu inaongoza kwa goli 1-0 akaisaidia kushinda kwa magoli 6-0 dhidi Las Palmas. Licha ya kufunga magoli matatu, Olunga alitoa pasi ya mwisho ‘assist’ kwa hiyo amehusika katika magoli manne kati ya sita ambayo Girona wamefunga. Hat-trick yake ilikuwa ya muda mfupi kwa wachezaji ambao wametokea benchi, alitumia dakika 22 kufunga magoli yote matatu, alifunga magoli yake dakika ya 57, 70 na 79. Kwa sasa Olunga yupo Girona FC kwa mkopo akitokea China...

Beki huyo ambaye alikua akiichezea lipuli amesema anajitambua kama mchezaji wa simba na Leo asubuhi ataungana na wachezaji wenzake kwenye mazoezi ndani ya kambi ya polisi. Licha ya mabosi wake wa wa zamani lipuli wakiendelea kusisitiza kuwa Kwasi bado ni mali yao na watashangaa simba wakimtumia kwa sasa, yeye ameamua kuanza mazoezi na klabu ya simba Leo jumatatu. "Mimi ni mchezaji wa simba baada ya kuingia mkataba wa miaka miwili na klabu ya simba na suala linalolalamikiwa lishamalizwa na meneja wangu" alisema beki huyo wa kati.

BAO pekee la winga wa kimataifa wa Tanzania, Simon Happygod Msuva limeipa ushindi wa 1-0 Difaa Hassan El Jadida dhidi ya Kawkab Marrakech katika mchezo wa Ligi Kuu ya Morocco, maarufu kama Botola uliofanyika Uwanja wa Ben Ahmed El Abdi mjini El Jadida. Msuva alifunga bao hilo dakika ya 55 huo ukiwa mwendelezo wake wa kufanya vizuri katika klabu yake ya Kaskazini mwa Afrika na Ligi ya Morocco kwa ujumla. Pamoja na hayo, Msuva alipumzishwa dakika za mwishoni ili awe fiti zaidi kwa ajili ya mchezo ujao, nafasi yake akiingia Adnane El Ouardy dakika ya 85. Na kwa ushindi huo, Difaa Hassan El Jadida imefikisha pointi 20 baada ya kucheza mechi 12 na kuendelea kukaa nafasi ya pili kwenye msimamo wa Botola, nyuma ya Hassania Agadir yenye pointi 23 za mechi 12 pia. Source:  Bin Zubery

Waziri wa michezo Dr. Herrison Mwakyembe amesema suala la kuita wachezaji kuwakilisha timu ya taifa limekuwa la mazoea. “ Sasa uwakilishi kwenye timu Taifa Stars kwa mazoea, hili suala lazima tuliangalie kwa makini sana. Sio mchezaji anakuwa anauhakika wa kuitwa kwenye timu, tunataka tuone kwa kujituma ” alisema mwakyembe. Pia waziri Mwakyembe amesema kuwa vijana wa Zanzibar Heroes wanavyojiyuma lazima warudi na kombe la challenge cup 2017, kitu ambacho kitawafurahisha watanzania.  "MUNGU AWATANGULIE Z'BAR HEROES KWENYE FAINALI YA CHALLENGE CUP"